πGozatu uda ingelesez!
Ikasturtean zehar, zuen seme-alabek ia denbora guztia ematen dute gela baten barruan, beren mahaietan eserita, eta asko, amaiera aldera, nekatu samar daude errutina horrekin. A&C English-en badakigu ez dela beharrezkoa arbel baten aurrean egotea gauzak ikasteko eta frogatuko dizuegu!
Gure ingeleseko udaleku murgiltzailetan jarduerak, jolasak, proiektuak eta askoz gehiago ditugu prest! Annie (Beasain) eta Chris (Southampton) izango gara zuen begiraleak etaΒ zuen gazteek uda ahalik eta gehien aprobetxa dezaten egingo dugu! Zuen seme-alabek ondo pasatzeko aukera izango dute ingelesa praktikatzen duten bitartean eta bertako kultura pixka bat gehiago ezagutzen duten bitartean!π
π Gure leloa: "Zuk uste baino gaitasun handiagoa duzu!"
A&C English-en, badakigu egiten dugun edozer gauzatan aurrera egiteko modurik onena esperientzia eta konfiantza irabaztea dela. Gure udalekuak horixe eskaintzen dizue! Zuen seme-alabek, ekintza ugarirekin ondo pasatzeaz gain, edozein egoeratan ingelesez eraginkortasunez komunikatzeko segurtasuna ere irabaziko dute.
Ikasturtean zehar, askotan zaila izaten da gazteek beren ahozko trebetasuna ingelesez praktikatzeko adina aukera izatea. Horregatik, gure udalekuan horretarako giro dibertigarria eta naturala sortzen dugu, seguru hitz egin eta ikasitakoa praktikan jar dezaten. Eta pixka bat kostatzen bazaie, ez kezkatu! Behar duten konfiantza irabaziko dute eta uste zutena baino gehiago egiteko gai direla konturatuko dira!π
Gure "burbuila ingelesean" murgilduta egongo dira, eta, horri esker, listeninga etengabe praktikatuko dute gure murgiltze-jardueretan. Beren ulermena areagotuko dute eta konturatu gabe hiztegia zabalduko dute dibertitzen diren bitartean!
Ingelesa hobetzen laguntzeaz gain, pertsona gisa hazten ere lagunduko diegu. Horregatik, gure jardueren bidez, zuen seme-alabek taldean lan egiteko eta arazoak konpontzeko trebetasunak indartuko dituzte, sormena eta kiroltasuna garatuko dituzte, eta askoz gehiago!π€©
Uda dibertigarri bat gurekin pasa ondoren, zuen seme-alabek gauza berriak ikasteaz gain, ingelesarekiko motibazioa areagotu eta honenganako jarrera positiboa ezarriko dute, eta hori oso baliagarria izango zaie etorkizunerako!
ποΈ ProgramaΒ
Beasainen biltzen gara egunero eta herrian, mendian edo inguruko beste herri batzuetan burutzen ditugu gure jarduerak. Eta onena da, konturatu gabe, hiztegi eta gramatika berria ikasiko dutela jarduera ugarirekin dibertitzen diren bitartean! π€«Shhβ¦ Hori da gure sekretua! Askotariko gaiak lantzen ditugu: kirolak, sukaldaritza, natura, kultura ingelesa, artea, gustu guztietarako zerbait daukagu! Astero jarduera ezberdinak ditugu, horrela nahi baduzue errepikatu dezakezue! Zuek erabakiko duzue zenbat aste etorri nahi duzuen: aste bat, bi aste edo nahi dituzuenak!
Hau gure Summer Camp-aren aste bateko adibide bat da. Gai asko amankomunak dira guztientzat, baina edukiak eta jarduerak talde bakoitzarentzat bereziki diseinatuta daude, beraz, egunero dute zer ikasi eta zer gozatu!
π€ΈββοΈ Ekintzak
Jolasak eta proiektuak egiteaz gain, beste jarduera zoragarri batzuk ere prest ditugu: sukaldatzea π©βπ³, altxorraren bila zirraragarria π§, euren trebetasunak probatuko dituzten erronka teknologikoak ποΈ eta ziurrenik aho zabalik utziko gaituen filme bat ere egingo dugu!π¬ Laburbilduz, gure helburua ingelesa modu dibertigarrian eta testuinguru errealean ikastea da, beraz, hartu zure motxila eta goazen!
π Txangoa
Astero egun osoko txangoak egingo ditugu Donostiara aste ahaztezin bati amaiera bikaina emateko! Ekintza berezi honetan zuen seme-alabek hiriaren historia ikasiko dute eta ingelesezko gida turistiko bihurtuko dira πΊοΈ, proposatzen dizkiegun erronka dibertigarrietan parte hartzen duten bitartean! Eta, jakina, ezin dugu ahaztu uda atseden hartzeko garaia dela, beraz, erlaxatzeko eta hondartzaz gozatzeko denbora ere izango duguποΈ, eta izozkiren bat jateko ere, nola ez!π¦
π₯ Taldeak
Gure taldeak irakasleko gehienez 15 neska-mutilez osatzen dira, eta adinaren eta mailaren arabera banatzen dira.
Eta agian zeure buruari galdetzen ari zara: Hau A&C-ko ikasleentzat bakarrik al da? Ez noski! Gure udalekuak denontzat zabalik daude!π₯°
Gure udako jarduerak ingelesez hobetu eta gozatu nahi duen edozein haur edo gazteri irekita daude. Animatu zaitez! Esperientzia dibertigarria eta zirraragarria izango da guztiontzat!
Uda zure ingelesa hobetzeko eta hizkuntzarekin gozatzeko ezinhobea da!
πΆοΈ Nor gara?
Hello!
Annie eta Chris gara, A&C Summer-eko teacher-ak!
Agian batzuek ezagutzen gaituzue dagoeneko edo entzun duzue gure berri, baina horrela ez bada, aurkeztu egiten gara. Beasaingo eta Southamptongo (UK) ingeleseko bi irakasle gara. Asko gustatzen zaigu beste kultura batzuk ezagutzea, zinea, artea, janaria, eta futbola (Liverpool batez ere!). Ingelesa irakastea maite dugu, eta batez ere gure ikasleek, zuen eta adina eta maila edozein dela, hizkuntza ikastean gozaraztea.
Annie begirale eta zuzendari tituluduna da, eta Chrisek esperientzia handia du begirale eta ekintza zein kirolen koordinatzaile gisa. 15 urte baino gehiago daramatzagu Euskadin eta Erresuma Batuan udaleku eta murgiltze programetan parte hartzen. Ekintzarik arrakastatsuenak aukeratu ditugu gurekin topera goza dezazuen. Barreak eta dibertsio handia bermatuta izango dizuete!π
Egin bat gurekin uda paregabea izateko!
It's going to be a great summer!
